आयुर्वेद चिकित्सा परिषद्लाई वैकल्पिक चिकित्साको साझा परिषद् बनाउँदै स्वास्थ्य तथा खाद्य स्वच्छता मन्त्रालय

काठमाडौं- स्वास्थ्य तथा खाद्य स्वच्छता मन्त्रालयले नेपाल आयुर्वेद चिकित्सा परिषद्लाई आयुर्वेदमा मात्र सीमित नराखी योग, प्राकृतिक चिकित्सा, अकुपञ्चरलगायत सम्पूर्ण वैकल्पिक चिकित्सा पद्धतिलाई समेट्ने साझा परिषद्का रूपमा विकास गर्ने संकेत दिएको छ।

मन्त्रालयले हालै सार्वजनिक गरेको स्वास्थ्य तथा खाद्य स्वच्छता मन्त्रालयअन्तर्गतका सार्वजनिक निकायका पदाधिकारी नियुक्तिका लागि उम्मेदवार सिफारिस सम्बन्धी सूचनामा नेपाल आयुर्वेद चिकित्सा परिषद्को अध्यक्ष पदका लागि छनोट गरिएका संक्षिप्त सूचीमा अकुपञ्चर विषयमा विशेषज्ञता हासिल गरेका उम्मेदवारसमेत समावेश भएपछि मन्त्रालयको दीर्घकालीन नीति त्यही दिशातर्फ उन्मुख भएको रूपमा हेरिएको छ।