सामाजिक सद्भावमा खलल पुर्‍याउने ६५ जना पक्राउ

काठमाडौँ । नेपाल प्रहरीले साम्प्रदायिक तथा सामाजिक सद्भावमा खलल पुर्‍याउने गतिविधिमा संलग्न ६५ जनालाई पक्राउ गरेको छ। साउन १३ गतेदेखि आज बिहान ९ बजेसम्मको अवधिमा तराईका विभिन्न ७ जिल्लाबाट उनीहरूलाई नियन्त्रणमा लिइएको हो।

पछिल्लो केही दिनयता तराईका जिल्लाहरूमा देखा परेको साम्प्रदायिक तनाव र सामाजिक सद्भाव बिथोल्ने प्रयासलाई नियन्त्रण गर्न प्रहरीले सक्रियता बढाएको छ। प्रहरी प्रधान कार्यालयले सार्वजनिक गरेको तथ्याङ्क अनुसार सबैभन्दा धेरै धनुषा जिल्लाबाट ४५ जना पक्राउ परेका छन्।