गृहमन्त्री गुरुङले सुनसरी पुगेर सहमति गरेपछि कुन क्षेत्रको अवस्था कस्तो

गृहमन्त्री सुधन गुरुङले सुनसरी पुगेर देवानगन्ज घटनामा ज्यान गुमाएका दुई युवकका परिवारसँग सहमति गरेसँगै कोशी र मधेश प्रदेशका विभिन्न स्थानहरूमा उत्पन्न साम्प्रदायिक तनाव र हिंसात्मक अवस्था क्रमश: मत्थर हुने अपेक्षा अधिकारीहरूले व्यक्त गरेका छन्।

शुक्रवार मध्याह्नसम्म सुनसरी, धनुषा र सिराहाका केही स्थानमा नारा र जुलुस भएको विवरण आएको छ। तर अधिकारीहरूले तिनलाई अघिल्ला दिनका तुलनामा सामान्य भनेका छन्। प्रभावित स्थानहरूमा कर्फ्यूको स्थिति भने कायमै छ।