नेपाली समाजमा ‘भेडोपन’ हाबी भएको छ : खगेन्द्र सङ्ग्रौला

राजनीतिक विश्लेषक खगेन्द्र सङ्ग्रौलाले नेपाली समाजमा पछिल्लो समय विवेकभन्दा ‘भेडोपन’ हाबी भएको बताएका छन्। उनले गत फागुन २१ गते भएको संसदीय निर्वाचनमा धेरै मतदाताले उम्मेदवारको पहिचान नै नगरी मतदान गरेको भन्दै यस्तो बताएका हुन्।

‘समाज र राजनीतिबीचको अन्तरसम्बन्ध’ विषयक कार्यक्रममा बोल्दै सङ्ग्रौलाले चितवन र नवलपरासीका मतदाताको अनुभव सुनाउँदै राष्ट्रिय स्वतन्त्र पार्टीको चुनाव चिह्न ‘घण्टी’मा मतदान गर्ने धेरै मतदाताले उम्मेदवारको नाम सोध्दा ‘बालेन्द्र शाह’ भन्ने गरेको भन्दै उम्मेदवार को हो भन्ने जानकारीबिनै मतदान गर्ने प्रवृत्तिले समाजमा तार्किक सोच कमजोर भएको बताए।