साढे चार करोड रुपैयाँभन्दा बढी ठगी मुद्दाका फरार प्रतिवादी पक्राउ

काठमाडौं । काठमाडौं उपत्यका अपराध अनुसन्धान कार्यालय टेकुले साढे चार करोड रुपैयाँभन्दा बढी ठगी मुद्दाका एक जना फरार प्रतिवादीलाई पक्राउ गरेको छ । प्रहरीले काठमाडौं महानगरपालिका वडा नम्बर ९ गौशालाबाट पक्राउ गरेको हो ।

पक्राउ पर्नेमा खोटाङको हलेसी तुवाचुङ नगरपालिका वडा नम्बर १ घर भई हाल काठमाडौंको कागेश्वरी मनोहरा नगरपालिका वडा नम्बर ८ तेज विनायक बस्ने ३४ वर्षीय सन्तोष प्रधान रहेका छन् ।