कुवेत आक्रमणमा निधन भएका तामाङको पार्थिव शरीर स्वदेश ल्याइँदै

काठमाडौं । उत्तरी कुवेतमा गत बिहीबार भएको आक्रमणमा परी निधन भएका तेह्रथुम निवासी नेपाली नागरिक सोमकुमार तामाङको पार्थिव शरीर आज कुवेत एयरवेजमार्फत नेपाल ल्याइँदैछ । परराष्ट्र मन्त्रालयले आज विज्ञप्तिमार्फत् सो जानकारी दिएको हो । यद्यपि, विज्ञप्तिमा तामाङको पार्थिव शरीर नेपालमा कति बजे ल्याइँदैछ भनेर खुलाइएको छैन ।

कुवेतस्थित नेपाली राजदूतावासले स्थानीय निकाय तथा सम्बन्धित कम्पनीसँग आवश्यक समन्वय गरी पार्थिव शरीर स्वदेश पठाउने प्रक्रिया सम्पन्न गरेको परराष्ट्र मन्त्रालयले जनाएको छ ।