अर्घाखाँचीमा युवाहरूको संयुक्त सद्‌भाव कार्यक्रम

१६ साउन, अर्घाखाँची । अर्घाखाँचीमा हिन्दु र मुस्लिम समुदायका युवाहरूले धार्मिक सहिष्णुता, सामाजिक सद्भाव र राष्ट्रिय एकताको सन्देश प्रवाह गर्दै शनिबार सन्धिखर्कस्थित शान्ति बगैंचामा सद्भाव कार्यक्रम सम्पन्न गरेका छन् ।

तराई–मधेशका केही जिल्लामा पछिल्लो समय देखिएका सामाजिक तथा साम्प्रदायिक तनावका घटनाप्रति चिन्ता व्यक्त गर्दै अर्घाखाँचीका जेन्जी युवाहरूले जिल्लामा आपसी भाइचारा, मेलमिलाप र सद्भाव कायम रहेको सन्देश दिन संयुक्त रूपमा कार्यक्रम आयोजना गरेका हुन् ।