राम मन्दिर चढावा चोरी प्रकरण: अयोध्याका वकिलहरूको घोषणा-आरोपितको पक्षमा मुद्दा नलड्ने

अयोध्या । राम मन्दिरको चढावा (दान) चोरी प्रकरणमा अयोध्याका वकिलहरूले महत्वपूर्ण निर्णय गरेका छन्। फैजाबाद बार एसोसिएसनको बैठकले यस प्रकरणका कुनै पनि आरोपितको पक्षमा कानुनी बहस नगर्ने निर्णय गरेको हो। बार एसोसिएसनले राम मन्दिरको चढावा चोरी प्रकरणले करोडौं सनातन धर्मावलम्बीको धार्मिक आस्था र विश्वासमा गम्भीर चोट पुगेको निष्कर्ष निकाल्दै आरोपितहरूको मुद्दा नलड्ने घोषणा गरेको जनाएको छ।

हालसम्म यस प्रकरणमा आठ जनालाई नामजद आरोपित बनाइएको छ। उनीहरू सबै प्रहरी नियन्त्रणमा रहेका छन् र विशेष अनुसन्धान टोली (SIT) ले उनीहरूसँग सोधपुछ गर्नुका साथै घर तथा अन्य सम्भावित स्थानमा निरन्तर छापामारी गरिरहेको छ।