ट्रकको ठक्करबाट एकको मृत्यु, चालक फरार

नवलपुर। नवलपरासी (बर्दघाट सुस्ता पूर्व)को कावासोती नगरपालिका-८ हलचोकस्थित पूर्व-पश्चिम राजमार्गमा ट्रकको ठक्करबाट एक वृद्धको मृत्यु भएको छ।

कावासोतीबाट डण्डातर्फ जाँदै गरेको नम्बर नखुलेको ट्रकले पैदलयात्री कावासोती-८ निवासी ७९ वर्षीय तुलसीप्रसाद च्वाईलाई ठक्कर दिएको थियो। दुर्घटनामा उनको घटनास्थलमै मृत्यु भएको प्रहरीले जनाएको छ।