सुनसरीमा बढ्दो लागुऔषध कारोबार, एकै दिन पाँचजना पक्राउ

सुनसरी । लागुऔषध कारोबारले सुनसरी जिल्लामा विकराल रूप लिन थालेको छ । प्रहरीले आइतबारमात्रै पाँच जना कारोबारीलाई नियन्त्रणमा लिँदा ठूलो परिमाणमा लागुऔषध बरामद भएको छ ।

धरान उपमहानगरपालिका- २० स्थित ओशो पार्कबाट प्रहरीले १ सय १६ ट्याब्लेट ट्रामाडोलसहित २ जनालाई पक्राउ गरेको छ । पक्राउ पर्नेमा धरान– १३, अमरहाट बस्ने २४ वर्षीय डिल्लीराम भन्ने सुजन थापा र मोरङ सुन्दरहरैँचा नगरपालिका- ५ बस्ने २२ वर्षीय सुजित थापा छन् । अस्थायी प्रहरी चौकी, अमरहाटबाट खटिएको टोलीले उनीहरूलाई पक्राउ गरेको हो ।