शैलेन्द्र अधिकारीको तेस्रो उपन्यास ‘तेजस्’ लोकार्पण, भिक्षु कोण्डन्यले गरे तारिफ

लेखक तथा अध्यापक शैलेन्द्र अधिकारीको तेस्रो आख्यान ‘तेजस्’ लोकार्पण भएको छ । नेपाल प्रज्ञा–प्रतिष्ठानको पारिजात सभाकक्षमा शनिबार आयोजित कार्यक्रममा पुस्तकको लोकार्पण गरिएको हो ।

बुद्धविहार काठमाडौंका भिक्षु कोण्डन्य, पत्रकार तथा आख्यानकार बसन्त बस्नेत, संस्कृतिकर्मी नानी हेरा शाक्य, राष्ट्रिय स्वतन्त्र पार्टी (रास्वपा) का नेता मिलन पाण्डे, कवि रुपक अलंकारलगायतले पुस्तकको संयुक्त लोकार्पण गरेका थिए ।