कश्मीरको कुलगाममा नाम सोधेर हिन्दू पाइएपछि भीडबाट अलग गराएर आतंकवादीद्वारा दुई युवकको हत्या

नयाँ दिल्ली– दक्षिण कश्मीरको कुलगाम जिल्लामा दुई हिन्दू मजदुरको गोली हानी हत्या गरिएको छ। भारतीय गुप्तचर स्रोतका अनुसार यो आक्रमण लश्कर–ए–तैयबासँग आबद्ध मानिने द रेजिस्टेन्स फ्रन्टका आतंकवादीले गरेको हो।

स्रोतका अनुसार, आक्रमणको नेतृत्व मोहम्मद लतीफले गरेको बताइएको छ। उनीमाथि गत जुलाई २२ मा अनन्तनागको लाल चौक क्षेत्रमा हेड कन्स्टेबल आशिक हुसेन कुरैशीको दिनदहाडै हत्या गरेको आरोप पनि छ।