ज्ञानमा ताल्चा

पुस्तकालयको कोठाभित्र ५० हजारभन्दा बढी किताब पाठक कुरेर बसेका छन्। पुस्तकालयको ढोका र मूल गेटमा ताल्चा लागेको छ। मान्छेको अनुपस्थितिमा झाँगिएका बोटविरुवा र झारहरुले पुस्तकालय थोत्रो गोदामझैँ देखिएको छ।

यो दृश्य भृकुटीमण्डपस्थित काठमाडौँ उपत्यका सार्वजनिक पुस्तकालयको हो। गत वर्ष चैत ३० मा समाज कल्याण परिषद्का कर्मचारीहरुले यहाँ ताला लगाएको आज १०९ दिन पुगेको छ।