‘आइएम जीतबहादुर’ को पहिलो साताको आम्दानी ३१ लाख

काठमाडौँ । अभिनेता जितु नेपालको मुख्य भूमिका रहेको फिल्म ‘आइएम जीतबहादुर’ ले बक्स अफिसमा राम्रो व्यवसाय गर्न सकेन । फिल्मले पहिलो साता ३१ लाख मात्र व्यवसाय गर्न सफल भएको हो ।

चलचित्र विकास बोर्डले सोमबार सार्वजनिक गरेको आइतबार रातीसम्मको बक्स अफिस रिपोटमा फिल्मको आम्दानी ३१ लाख ७ हजार ६९२ रहेको छ । यो अवधिमा फिल्म हेर्ने दर्शक ९ हजार ६२६ मात्र रहेका छन् ।