बाढीग्रस्त नुवाकोट र रसुवामा वैकल्पिक विद्युत सेवा पुर्याउन ५०० थान सोलार पावर बैंक हस्तान्तरण

ऊर्जा, जलस्रोत तथा सिँचाइ मन्त्रालयले बाढी तथा विपद्बाट प्रभावित नुवाकोट र रसुवा जिल्लामा वैकल्पिक विद्युत सेवा प्रवाह गर्न ५०० थान सोलार पावर बैंक हस्तान्तरण गरेको छ।

मन्त्रालयले वैकल्पिक ऊर्जा प्रवर्द्धन केन्द्रमार्फत प्रभावित क्षेत्रमा तत्कालीन विद्युत आवश्यकतालाई सम्बोधन गर्ने उद्देश्यले सोलार पावर बैंक उपलब्ध गराएको हो। विद्युत आपूर्ति अवरुद्ध भएका क्षेत्रमा प्रयोग गर्न सकिने उक्त पावर बैंकबाट मोबाइल फोन चार्ज गर्नुका साथै करिब चार–पाँचवटा बत्ती बाल्न सकिनेछ।