सांसदहरूलाई सभामुखको निर्देशन - जनताको मूल्याङ्कनमा अब्बल हुने गरी व्यवहार देखाउनुस्

काठमाडौँ । प्रतिनिधि सभाका सभामुख डोलप्रसाद अर्यालले जनताको मूल्याङ्कनमा अब्बल हुने गरी आफ्ना गतिविधि र व्यवहारहरू अघि बढाउन सांसदहरूलाई निर्देशन दिएका छन्।

सङ्घीय संसद् सचिवालयले सिंहदरबारमा सोमबारदेखि नवनिर्वाचित सांसदहरूका लागि आयोजना गरेको दुईदिने अभिमुखीकरण कार्यक्रमको उद्घाटन गर्दै सभामुख अर्यालले यस्तो निर्देशन दिएका हुन्। उनले लाखौँ नेपाली जनताले मत दिएर पठाएका जिम्मेवार नागरिक भएकाले सांसदहरूले आम जनताको कडा मूल्याङ्कनको कसीमा खरो उत्रिनुपर्ने स्पष्ट पारे।