गर्मीका कारण सबै सहरमा उच्चतम् सतर्कता अपनाउने इटालीको घोषणा

रोम । इटालीले सोमबारदेखि आफ्ना लगभग सबै प्रमुख शहरहरूलाई गर्मीको उच्चतम सतर्कता तहमा राख्ने भएको छ। देशलाई नयाँ गर्मीको लहरले ग्रस्त बनाएपछि अधिकारीहरूले शनिबार यो घोषणा गरेका हुन्।

स्वास्थ्य मन्त्रालयका अनुसार सोमबार इटालीको तापक्रम ३० डिग्री सेल्सियसको उच्च स्तरसम्म पुग्ने पूर्वानुमान छ।देशका २७ प्रमुख शहरमध्ये दुईवटा मात्र इटालीको ‘बुट’ र दक्षिणी छेउमा रहेको रेजियो क्यालाब्रिया र सिसिली जाने बाटोमा पने यसको सामुन्ने रहेको मेसिना उच्चतम गर्मीका लागि सतर्कताको चेतावनीको जोखिममा राखिएका छैनन्।