पश्चिम एसियामा सतर्क रहन र क्षेत्र छोड्न अमेरिकाद्वारा आफ्ना नागरिकलाई सुझाव

काठमाडौं । पश्चिम एसियामा बढ्दो सुरक्षा तनावबीच बग्दादस्थित अमेरिकी दूतावास र इराकको एरबिलस्थित अमेरिकी वाणिज्य दूतावासले आफ्ना नागरिकलाई सुरक्षा सतर्कता अपनाउन र आवश्यक परे क्षेत्र छाड्न तयारी अवस्थामा रहन आग्रह गरेका छन्।

अमेरिकी दूतावासले सामाजिक सञ्जाल एक्समार्फत जारी गरेको वक्तव्यमा पश्चिम एसिया क्षेत्रमा सुरक्षा अवस्था निरन्तर जटिल बन्दै गएको र कुनै पनि बेला थप बिग्रिन सक्ने चेतावनी दिएको छ। नागरिकलाई उच्च सतर्कता अपनाउन, उडान रद्द हुन सक्ने, हवाई क्षेत्र अस्थायी रूपमा बन्द हुन सक्ने तथा अन्य यात्रा अवरोध आउन सक्ने सम्भावनाबारे सचेत गराइएको छ।