ककाकिकीको लिरिकल थिम सङ

आगामी भदौ १९ गते रिलिजमा आउने फिल्म ककाकिकीले प्रचार अभियानलाई थप आक्रामक बनाएको छ। फस्ट लुक र पोस्टरमार्फत चर्चा कमाइसकेको निर्माण टिमले बुधवार लिरिकल थिम सङ सार्वजनिक गर्दै अब ट्रेलरतर्फ दर्शकको ध्यान केन्द्रित गराएको हो।

ओएसआर डिजिटलको युट्युब च्यानलबाट सार्वजनिक गरिएको गीतमा गायक आदित्य प्रधानको स्वर रहेको छ भने शब्द तथा संगीत शिशिर थतालको रहेको छ। यसअघि सार्वजनिक गरिएको फस्ट लुक भिडियोमा समावेश गरिएको गीतको हुकलाइनले नै दर्शकमाझ सकारात्मक प्रतिक्रिया पाएको थियो।