खडेरीका कारण हंगेरीले बन्द गर्दै छ आफ्नो एकमात्र परमाणु ऊर्जा केन्द्र

बुढापेष्ट । हंगेरीले ड्यान्युब नदीमा पानीको सतह ऐतिहासिक रूपमा घटेपछि आफ्नो एकमात्र परमाणु ऊर्जा केन्द्र पाक्स आणविक ऊर्जा प्लान्ट आइतबारदेखि पूर्ण रूपमा बन्द गर्ने घोषणा गरेको छ । प्रधानमन्त्री पिटर म्याग्यारका अनुसार सन १९८२ मा सञ्चालनमा आएको यो केन्द्र ४४ वर्षको इतिहासमा पहिलो पटक पूर्ण रूपमा बन्द हुन लागेको हो । यस केन्द्रबाट हंगेरीको करिब ५० प्रतिशत विद्युत् उत्पादन हुँदै आएको छ ।

प्रधानमन्त्रीले शुक्रबार ऊर्जा उत्पादन ९६५ मेगावाटमा झरेको र रातारात २४० मेगावाट मा पुगेको बताए । सामान्य अवस्थामा यस केन्द्रले करिब २,००० मेगावाट विद्युत् उत्पादन गर्ने गर्दछ । सोभियत संघको सहयोगमा निर्माण गरिएको चार रिएक्टर भएको यो केन्द्रले ड्यान्युब नदीको पानी रिएक्टर चिस्याउन प्रयोग गर्छ । तर लामो समयदेखिको अत्यधिक गर्मी र खडेरीका कारण नदीको पानीको सतह अत्यन्त घटेपछि पम्पहरूले पर्याप्त पानी तान्न नसक्ने अवस्था सिर्जना भएको छ ।