ट्रम्पले इरानमाथिको सम्भावित सैन्य आक्रमण स्थगित गरेको दाबी, ‘हर्मुज जलडमरूमध्य खुला गर्ने सहमतितर्फ प्रगति’

काठमाडौं ।

अमेरिकी राष्ट्रपति डोनाल्ड ट्रम्पले इरानमाथि योजनाबद्ध सैन्य आक्रमण तत्कालका लागि स्थगित गरिएको दाबी गरेका छन्। उनले इरानसँग सम्झौता गर्ने सम्भावना देखिएकाले आक्रमण रोकिएको बताएका हुन्। आफ्नो सामाजिक सञ्जाल ट्रुथ सोसलमा ट्रम्पले अमेरिका र इजरायलले संयुक्त रूपमा आक्रमण स्थगित गर्ने निर्णय गरेको उल्लेख गर्दै इरानसँग छिटो सम्झौता गर्न सकिएमा सैन्य कारबाही आवश्यक नपर्ने बताएका छन्।