जेनजी आन्दोलनमा कारागारबाट भागेका व्यक्ति भरूवा बन्दुकसहित पक्राउ

काठमाडौँ- जेनजी आन्दोलनमा कारागारबाट भागेका व्यक्ति पक्राउ परेका छन्। चितवनको राप्ती नगरपालिका ११ थाकलटार बस्ने ४५ वर्षीय आइतसिंह लामालाई प्रहरीले आइतबार बिहान सवा ३ बजे उनकै घरुबाट पक्राउ गरेको हो।

जिल्ला प्रहरी कार्यालय चितवनका प्रवक्ता चन्द्र भुसन यादवका अनुसार लामाको साथबाट प्रहरीले भरूवा बन्दुक समेत बरामद गरेको छ।