‘देश र कांग्रेस जोडौँ’ अभियानले राष्ट्रिय एकता भेला गर्ने

काठमाडौँ- नेपाली कांग्रेसभित्रको आन्तरिक एकतालाई सुदृढ बनाउने उद्देश्यले सञ्चालन गरिएको ‘देश र कांग्रेस जोडौँ’ अभियानअन्तर्गत आगामी साउन २० गते बिहान ११ बजे काठमाडौँमा ‘राष्ट्रिय एकता भेला’ आयोजना गरिने भएको छ।

आयोजकले आइतबार गरेको पत्रकार सम्मेलनमा देशभरका ७५३ पालिका, ३३० प्रदेशसभा निर्वाचन क्षेत्र, १६५ प्रतिनिधिसभा निर्वाचन क्षेत्र तथा विभिन्न तह, वर्ग र समुदायबाट प्रतिनिधित्व सुनिश्चित गर्दै उक्त भेला आयोजना गर्न लागिएको जानकारी दिइयो।