देशले फेरि कांग्रेसको भरोसा खोजेको छ : नैनसिंह महर

नेपाली कांग्रेसका नेता नैनसिंह महरले वर्तमान राजनीतिक परिस्थितिमा देशले पुनः नेपाली कांग्रेसको नेतृत्व र भरोसा खोजिरहेको बताएका छन्। उनले आइतबार आयोजित ‘देश र कांग्रेस जोड्ने अभियान’ कार्यक्रममा बोल्दै कांग्रेसले जनताको विश्वास पुनः मजबुत बनाउन आन्तरिक एकता, संवाद र आत्मालोचनाको बाटो अपनाउनुपर्ने बताए।

महरले नेपाली कांग्रेस जनताबाट स्थापित भएको पार्टी भएकाले जनताको अपेक्षा पूरा गर्न पार्टी एकढिक्का भएर अघि बढ्नुपर्ने बताए। ‘जतिबेला देशको राष्ट्रियतामाथि चुनौती आउँछ, त्यतिबेला नेपाली जनताले नेपाली कांग्रेसको भरोसा खोज्ने गरेका छन्। कांग्रेस जनताको पार्टी भएकाले जनताको विश्वासअनुसार अघि बढ्नुपर्छ,’ उनले भने।