‘द सोप्रानोस’ का अभिनेता भिन्सेन्ट पास्टोरको ८० वर्षको उमेरमा निधन

हलिउडको चर्चित टेलिभिजन शृंखला ‘द सोप्रानोस’ बाट प्रसिद्धि कमाएका अभिनेता भिन्सेन्ट पास्टोरको ८० वर्षको उमेरमा शनिबार निधन भएको छ। केही दिनदेखि उनी कसैसँग सम्पर्कमा नरहेपछि न्यूयोर्कको सिटी आइल्यान्डस्थित आफ्नै घरमा मृत अवस्थामा फेला परेका थिए।

उनको निधनको जानकारी अभिनेता माइकल इम्पेरिओलीले सामाजिक सञ्जालमार्फत दिएका हुन्। उनले भावुक सन्देश लेख्दै पास्टोरलाई असल साथी, सहकर्मी र परिवारप्रति समर्पित व्यक्तिका रूपमा सम्झिएका छन्।