सरकारसँग मौखिक समझदारी, हिन्दू सम्राट सेनाका आन्दोलन स्थगित

काठमाडौं- गृहमन्त्री सुधन गुरुङ र हिन्दू सम्राट सेना नेपालका प्रतिनिधिबीच आन्दोलनका मागहरूमा मौखिक समझदारी भएपछि संगठनले नेपाल बन्दसहितका सबै आन्दोलनका कार्यक्रम फिर्ता लिएको छ।

आइतबार जनकपुरधाममा करिब डेढ घण्टा भएको वार्तापछि आन्दोलन स्थगित गर्ने निर्णय भएको हो। संगठनका अनुसार यसअघि पेस गरिएका १३ बुँदे मागमा थप संशोधनसहित नयाँ प्रस्ताव सरकारलाई बुझाइएको छ भने माग कार्यान्वयनका लागि आवश्यक प्रक्रिया अघि बढाउन उपयुक्त समयमा समिति गठन गर्ने समझदारी भएको छ।