सुस्ताको अस्थायी बाँध भत्काइदियो भारतीय एसएसबीले

पश्चिम नवलपरासीको सुस्तालाई नारायणी नदीको कटानबाट जोगाउन निर्माण गरिएको अस्थायी बाँधलाई भारतीय एसएसबीले भत्काइदिएको छ।

नारायणीले कटान गर्न थालेपछि स्थानीयले बस्ती र जमिन जोगाउन साउन १५ गते अस्थायी बाँध निर्माण गरेका थिए। बोरामा बालुवा भरेर निर्माण गरिएको बाँधलाई आइतबार बिहान सादा पोसाकमा आएका १०/१५ जना एसएसबीको समूहले भत्काएको सुस्ता बचाउ युवा अभियानका संयोजक योगेन्द्र गौतमले बताए।