स्पेनको सेउता छिर्ने प्रयासमा मोरक्केली फुटबलरको गयो ज्यान

मोरक्कोकी युवा महिला फुटबलर फातेन बेन अमर अल अजिजीको सेउता पुग्ने प्रयासका क्रममा समुद्रमा डुबेर मृत्यु भएपछि उनको अन्त्येष्टिमा सयौँ मानिस सहभागी भएका छन् । २० वर्षीया अजिजीले मोरक्कोको उत्तरी तटीय सहर फ्निदेकबाट स्पेनको उत्तरी अफ्रिकी भूभाग सेउता पुग्न समुद्री बाटो प्रयोग गर्ने क्रममा ज्यान गुमाएकी हुन् ।

अजिजी मोरक्कोको महिला फुटबलमा उदीयमान खेलाडीका रूपमा परिचित थिइन् । उनी मघरेब एथलेटिक तेतुआनको महिला टोलीसँग आबद्ध थिइन् । उनको मृत्युको खबरपछि सहकर्मी, प्रशिक्षक, खेलकुदकर्मी तथा स्थानीय समुदायले शोक व्यक्त गरेका छन् ।