काठमाडौं बर्नहार्ट २७औं वर्षमा प्रवेश

काठमाडौं । बल्खुस्थित प्रतिष्ठित शैक्षिक संस्था काठमाडौं बर्नहार्ट सेकेण्डरी स्कुलले आफ्नो २६औँ वार्षिकोत्सव भव्य रुपमा मनाउँदै २७औँ वर्षमा प्रवेश गरेको छ । वि.सं. २०५७ असार १४ गते स्थापना भएको बर्नहार्टले आइतबार एक विशेष समारोहको आयोजना गरी आफ्नो २६ वर्षको यात्रा, उपलब्धि र आगामी रणनीतिक योजनाबारे चर्चा गरेको हो ।

कार्यक्रमको उद्घाटन स्कुलका अध्यक्ष भूपेश छत्कुली तथा शिक्षक–शिक्षिकाहरूले संयुक्त रूपमा पानसमा दीप प्रज्वलन गरेर गरेका थिए । संस्थामा लामो समय योगदान दिने जनशक्तिलाई कदर गर्ने परम्पराअनुसार यस वर्ष विद्यालयमा १० वर्ष सेवा अवधि पूरा गरेका नेपाली विषय विभाग प्रमुख गिरिराजमणि निरौलालाई विशेष सम्मान गरिएको थियो । उक्त अवसरमा विद्यालयका शिक्षक, कर्मचारी तथा व्यवस्थापन पक्षको बाक्लो उपस्थिति रहेको थियो ।