मनसुन सक्रिय भएसँगै लुम्बिनीका किसान रोपाइँमा व्यस्त

बुटवल । लुम्बिनी प्रदेशमा मनसुन सक्रिय भएसँगै किसानहरू धान रोपाइँमा व्यस्त बनेका छन् । पर्याप्त वर्षापछि प्रदेशका १२ वटै जिल्लामा धान रोपाइँले गति लिएको छ भने पछिल्ला केही दिनमा रोपाइँको प्रतिशत थप बढेको कृषि अधिकारीहरूले बताएका छन् ।

प्रदेश कृषि विकास निर्देशनालयका अनुसार असार १२ गतेसम्म प्राप्त जिल्लागत विवरणअनुसार प्रदेशभर धान खेतीयोग्य ६ लाख ७९ हजार ६१३ हेक्टर क्षेत्रफलमध्ये करिब ३ लाख ७ हजार ३६२ हेक्टर क्षेत्रमा धान रोप्न योग्य अवस्था रहेको छ । तीमध्ये ६३ हजार ९७० दशमलव ५७ हेक्टर क्षेत्रमा रोपाइँ सम्पन्न भएको छ, जुन कुल रोपाइँयोग्य क्षेत्रको २० दशमवल ८ प्रतिशत हो ।