रास्वपा संघीय व्यवस्थालाई खारेज गर्ने षड्यन्त्रमा [भिडियो]

काठमाडौँ। राष्ट्रिय सभाका सांसद मोहम्मद खालिदले सत्तारुढ राष्ट्रिय स्वतन्त्र पार्टी (रास्वपा)माथि संघीय व्यवस्थालाई कमजोर बनाउँदै अन्ततः खारेज गर्ने षड्यन्त्र गरिरहेको आरोप लगाएका छन्।

सोमबार राष्ट्रिय सभा बैठकमा बोल्दै सांसद खालिदले संघीयता कुनै दल वा व्यक्तिको दयाले नभई नेपाली जनताको लामो संघर्ष, बलिदान, जेल जीवन र आन्दोलनको उपलब्धिका रूपमा स्थापित भएको उल्लेख गर्दै त्यसलाई कमजोर पार्ने प्रयास स्वीकार्य नहुने बताए।