झापामा जापानिज इन्सेफ्लाइटिसबाट ६ जनाको मृत्यु, पाँच लाखलाई खोप लगाउने तयारी

बिर्तामोड । झापामा जापानिज इन्सेफ्लाइटिस (मस्तिष्क ज्वरो) को संक्रमणबाट छ जनाको मृत्यु भएपछि स्वास्थ्य कार्यालय झापाले जिल्लामा करिब पाँच लाख जनालाई खोप लगाउने तयारी गरेको छ ।

स्वास्थ्य कार्यालय झापाले आज जिल्ला समन्वय समितिको सभाहलमा आयोजना गरेको सरोकारवाला तथा सञ्चारकर्मीसँगको छलफलमा जिल्लामा गत असार र साउनमा उक्त रोगबाट छ जनाको मृत्यु भएको जानकारी दिएको हो ।