नेपाली फुटबलर प्रीति राईसँग सिक्किमका मुख्यमन्त्रीको भेट

१५ असार, काठमाडौं । सिक्किमका मुख्यमन्त्री प्रेमसिंह तामाङ (गोले) ले नेपाली राष्ट्रिय महिला फुटबल टोलीकी मिडफिल्डर प्रीति राईसँग भेट गरेका छन् ।

मुख्यमन्त्री तामाङले आफ्नो सरकारी निवासमा प्रीति र सिक्किमकी व्यावसायिक फुटबलर प्रिया क्षेत्रीसँग भेट गरेको जानकारी सामाजिक सञ्जाल फेसबुकमार्फत सार्वजनिक गरेका हुन् । उनले दुवै खेलाडीको फुटबलप्रतिको लगाव, समर्पण र उपलब्धि प्रेरणादायी रहेको उल्लेख गर्दै आगामी यात्राका लागि शुभकामना व्यक्त गरेका छन् ।