विद्यालय कर्मचारीको ७ बुँदे माग, शिक्षामन्त्रीलाई पत्र

काठमाडौँ- नेपाल विद्यालय कर्मचारी परिषद्, राष्ट्रिय समितिले सामुदायिक विद्यालयमा कार्यरत विद्यालय कर्मचारीहरूको सेवासुविधा, तलब तथा कानुनी व्यवस्थासम्बन्धी समस्या समाधान गर्न माग गर्दै शिक्षामन्त्री सस्मित पोखरेललाई ७ बुँदे ज्ञापनपत्र बुझाएको छ।

परिषद्ले विद्यालय कर्मचारीहरू लामो समयदेखि न्यून तलब, अस्थिर सेवा र स्पष्ट कानुनी व्यवस्थाको अभावमा काम गर्न बाध्य रहेको उल्लेख गर्दै विद्यालय सञ्चालनमा उनीहरूको महत्वपूर्ण भूमिका भए पनि राज्यबाट उचित व्यवस्थापन हुन नसकेको जनाएको छ।