ग्रिसमा डढेलो निभाउने क्रममा दुई हेलिकोप्टर ठोक्किए, दुईजनाको मृत्यु

काठमाडौं । ग्रिसमा डढेलो निभाउने क्रममा आइतबार दुईवटा हेलिकोप्टर आपसमा ठोक्किँदा दुईजनाको मृत्यु भएको छ । दुर्घटनामा डेनमार्कका एक पाइलट र ग्रिसको फायर सर्भिसका एक सम्पर्क अधिकृतको मृत्यु भएको हो ।

अर्का बेलायती पाइलट र एक ग्रिक समन्वयकर्ता सामान्य घाइते भएका छन् । दुर्घटना राजधानी एथेन्सबाट करिब ६५ किलोमिटर पश्चिममा रहेको अट्टिका–बोयोटिया सीमाक्षेत्रमा फैलिएको भीषण डढेलो निभाउने क्रममा भएको हो ।