हिमालका नायक निर्मल पुर्जाप्रति महावीर पुनको भावुक श्रद्धाञ्जली, खोले एउटा अधुरो सपनाको रहस्य!

राष्ट्रिय आविष्कार केन्द्रका संस्थापक महावीर पुनले पर्वतारोही निर्मल पुर्जासँग जोडिएको एउटा भावुक स्मृति सार्वजनिक गरेका छन्। उनले निर्मल पुर्जाले आफ्नै हस्ताक्षरसहित उपहार दिएका किताब अझै खोजिरहेको बताउँदै भेटिए त्यसको तस्बिर राखेर उनलाई हार्दिक श्रद्धाञ्जली अर्पण गर्ने इच्छा व्यक्त गरेका छन्।

सामाजिक सञ्जाल फेसबुकमार्फत पुनले तीन दिनदेखि उक्त किताब खोजिरहेको जानकारी दिएका हुन्। उनका अनुसार राष्ट्रिय आविष्कार केन्द्रमा प्रतिनिधि सभा सदस्य निर्वाचनको नतिजा आएको केही दिनपछि निर्मल पुर्जा स्वयं केन्द्रमा आएका थिए। त्यस क्रममा उनले किताबमा "चुनावमा विजयी भएकोमा बधाई छ दाइ" भनेर हस्ताक्षर गर्दै उपहार दिएका थिए।