कर्णालीमा भागबन्डा मिलेन

कर्णाली प्रदेशमा नयाँ मुख्यमन्त्री नियुक्त भएको ६ दिन पुग्दासमेत सत्ता साझेदार दलबिच भागबन्डा नमिल्दा मन्त्रीमण्डल विस्तार हुन सकेको छैन। मुख्यमन्त्रीसहित सात मन्त्रीमण्डलमा नेकपा र एमालेबिच मन्त्री र मन्त्रालयको कुरो नमिल्दा मन्त्रीमण्डल विस्तार हुन नसकेको हो।

मंगलबार कर्णाली प्रदेश प्रमुख यज्ञराज जोशीले मुख्यमन्त्री मंगलबहादुर शाहीलाई मुख्यमन्त्रीमा नियुक्त गरेका थिए। नियुक्त गरेको भोलिपल्ट बुधबार प्रदेश प्रमुखले संविधानको धारा १६८(२) बमोजिम पद तथा गोपनीयताको शपथ ग्रहण गराएका थिए।