एक सय नाै केजी गाँजासहित दुई पक्राउ

सर्लाही । सर्लाहीको लालबन्दी नगरपालिका-१ स्थित जिल्ला ट्राफिक प्रहरी कार्यालय अगाडि एक सय नौ केजी गाँजासहित दुई भारतीय नागरिक पक्राउ परेका छन्।

जिल्ला ट्राफिक प्रहरी कार्यालय नवलपुर र इलाका प्रहरी कार्यालय नवलपुरबाट खटिएको संयुक्त प्रहरी टोलीले पूर्व-पश्चिम राजमार्गमा बागमतीबाट जनकपुरतर्फ जाँदै गरेको भारतीय कार रोकी जाँच गर्ने क्रममा उक्त परिमाणको गाँजा बरामद गरेको हो।