नेपाल प्रहरीको दुई अर्बको पोशाक खरिदमा सेटिङको आशंका

नेपाल प्रहरीका लागि चालु आर्थिक वर्ष २०८३/८४ मा करिब दुई अर्ब रुपैयाँको लत्ताकपडा, जुत्ता तथा पोशाक खरिद गर्ने तयारी छ । नेपाल प्रहरीले खरिदका लागि ठेक्का लगाउने तयारी गरिरहेको छ । तर, यो ठेक्का नलाग्दै आंशका सुरु भएका छन् ।

प्रहरी स्रोतका अनुसार निश्चित आपूर्तिकर्तालाई अनुकूल हुने गरी गुणस्तर परीक्षणसम्बन्धी प्रावधान राखेर करिब डेढ अर्ब रुपैयाँको ठेक्कामा चलखेल हुन खोजेको छ ।