मिस नेवाः को मञ्चमा झल्कियो नेवारी संस्कृति

नेवारी भाषा, कला र संस्कृतिलाई नयाँ पुस्तासम्म जीवन्त रूपमा हस्तान्तरण गर्ने उद्देश्य बोकेको मिस नेवाः नेपाल केवल सौन्दर्य प्रतियोगिता होइन, सांस्कृतिक पहिचानको उत्सव पनि बनेको छ।

त्यसैको निरन्तरतास्वरूप नेपाल टेलिकम मिस नेवाः नेपाल ११४६ अन्तर्गतको ट्यालेन्ट शो सम्पन्न भएको छ। नेप्लीज फेसन होमले हरेक वर्ष आयोजना गर्दै आएको प्रतियोगिताको १९औं संस्करणअन्तर्गत सम्पन्न ट्यालेन्ट शोमा १७ प्रतिस्पर्धीले आफूभित्र लुकेका सिर्जनात्मक प्रतिभा प्रस्तुत गरे। कसैले नेवारी गीतमा मनमोहक नृत्य गरे, कसैले गायनमार्फत सांगीतिक क्षमता देखाए। चित्रकला, बाँसुरी वादन, कुमारी नृत्य र वक्तृत्वकलासमेत प्रस्तुत गर्दै उनीहरूले निर्णायक मण्डलसंगै उपस्थित अभिभावकको मन जित्ने प्रयास गरे। कार्यक्रममा अधिकांश प्रतिस्पर्धीले नेवारी गीतमा आधारित नृत्य प्रस्तुत गरेका थिए।