उपसभामुख ठाकुरलाई सुदन किराँतीको सन्देश: एउटै उद्देश्य भएमात्र पार्टी बलियो बन्छ

श्रम संस्कृति पार्टीका वरिष्ठ नेता सुदन किराँतीले पार्टीबाट सार्वजनिक पदमा पुगेका नेताहरूले संगठनको नीति, सिद्धान्त र अनुशासनलाई प्राथमिकतामा राख्नुपर्ने बताएका छन्।

पार्टीको एक कार्यक्रममा बोल्दै उनले उपसभामुख रबीकुमारी ठाकुरप्रति असन्तुष्टि व्यक्त गर्दै पदमा पुगेपछि पार्टीको योगदानलाई सम्मान गर्न नसकेको आरोप लगाए। पार्टीको सिफारिसमा नियुक्त गरिएका कर्मचारीलाई हटाउने निर्णयप्रति उनले आपत्ति जनाउँदै यस्तो कार्यले संगठनप्रतिको जिम्मेवारी कमजोर बनाउने टिप्पणी गरे।