‘राष्ट्रिय भेला’को आयोजक समितिमा नाम समावेश गरिएको भन्दै अपाङ्ग संघका अध्यक्ष चम्लागाईंको आपत्ति

नेपाली कांग्रेसको भ्रातृ संस्था राष्ट्रिय लोकतान्त्रिक अपाङ्ग संघका अध्यक्ष माधवप्रसाद चम्लागाईंले साउन २९ गतेदेखि आयोजना हुन लागेको भनिएको ‘राष्ट्रिय भेला’को मूल आयोजक समितिमा आफ्नो नाम बिना सहमति समावेश गरिएकोप्रति गम्भीर आपत्ति जनाएका छन्। उक्त समिति ५५१ सदस्यीय छ।

अपिलमा अध्यक्ष चम्लागाईंले उक्त भेलासँग आफ्नो कुनै संलग्नता नरहेको स्पष्ट पार्दै पार्टीको वैधानिक संरचनालाई कमजोर बनाउने तथा विभाजनकारी गतिविधिमा आफू सहभागी नहुने बताएका छन्। राष्ट्रिय लोकतान्त्रिक अपाङ्ग संघको अध्यक्षका रूपमा आफ्नो नाम समावेश गरिएको विषय आफूलाई स्वीकार्य नभएको उनको भनाइ छ।