भारतको केन्द्रीय बैंकले ब्याजदर यथावत् राख्ने संकेत

मुम्बई । भारतको केन्द्रीय बैंक रिजर्भ बैंक अफ इन्डिया (आरबीआई) ले यस साताको मौद्रिक नीति बैठकमा ब्याजदर यथावत् राख्ने सम्भावना रहेको छ। विश्वका धेरै केन्द्रीय बैंकहरूले बढ्दो मुद्रास्फीतिका कारण ब्याजदर बढाइरहेका बेला भारतले भने फरक नीति अपनाउने संकेत देखिएको हो।

अन्तर्राष्ट्रिय समाचार संस्था रोयटर्सले गरेको सर्वेक्षणअनुसार ७२ जना अर्थशास्त्रीमध्ये ६८ जनाले आरबीआईको मौद्रिक नीति समितिले बुधबार हुने बैठकमा ब्याजदर परिवर्तन नगर्ने अनुमान गरेका छन्। यद्यपि, आगामी दिनमा मुद्रास्फीतिको जोखिम बढ्न सक्ने भएकाले केन्द्रीय बैंकले केही कडा (हकिस) नीतिगत संकेत गर्न सक्ने अपेक्षा गरिएको छ।