विपद्मा काम गर्ने संस्थाहरूलाई पाठ

कुनै बेला मानिसहरू पानी किन पर्छ भन्ने पनि थाहा पाउँदैनथे।यसलाई दैवीय क्रियाकलाप ठान्थे।त्यसैले त आज पनि पानी नपर्दा भ्यागुताको बिहे गराइदिनेसम्मका अन्धविश्वास जीवित छन्।तर आज विज्ञान र प्रविधिले पानी किन पर्छमात्रै होइन, कहाँ पर्छ, कति पर्छ र कहिले पर्छ वा पर्दैनसम्म पूर्वानुमान गर्न सक्छ।

समुद्रमा ठूलाठूला आँधी र तुफानको पूर्वानुमान गर्न सकिने भएको छ।त्यसैले त आँधी आउनुअघि नै त्यसबाट थुप्रै बस्ती जोगाउन सक्छन्, पश्चिमा र विकसित देशहरू।पटकपटक सुनामी आइरहने जापानमा पनि अचेल त्यसबाट क्षति घट्दो छ किनभने पूर्वानुमान गरेर बस्ती जोगाइन्छ।भूकम्पको उत्तिकै प्रकोप भएको त्यो देशमा अचेल पनि भूकम्प आउन छाडेको छैन, तर क्षति हुन छाडेको छ।