लोकतन्त्रपछि अब सुशासनको आन्दोलन

हरेक युगमा परिवर्तन ल्याउने शक्ति युवा पुस्तामै निहित हुन्छ। चाहे त्यो बेलायती शासनलाई भारतबाट हटाई स्वतन्त्रता प्राप्त गर्ने आन्दोलन होस् वा नेपालमा राजतन्त्रको अन्त्य गरी बहुदलीय प्रजातन्त्र स्थापना गर्ने संघर्ष होस्, इतिहासले देखाएको छ कि परिवर्तनका अग्रदूत युवाहरू नै बनेका छन्।

त्यतिबेला भारत र नेपालका युवाहरूले आआफ्नो देशमा लामो संघर्ष र आन्दोलन गर्दै उपनिवेशवाद तथा निरंकुश शासन व्यवस्थाको अन्त्य गरी प्रजातन्त्र र लोकतन्त्र स्थापना गर्न महत्त्वपूर्ण भूमिका खेलेका थिए। समय बित्दै जाँदा यी लोकतान्त्रिक व्यवस्थाभित्र भ्रष्टाचार, कुशासन, राजनीतिक स्वार्थ र जनअपेक्षाको अनाधार बढ्दै गएको तथ्य विभिन्न अध्ययन, प्रतिवेदन र अनुभवहरूले देखाउन थाले। शासन प्रणाली परिवर्तन भए पनि नागरिकको दैनिक जीवनमा अपेक्षित सुधार हुन नसकेको गुनासो बढ्दै गयो। विशेष गरी युवाहरूले रोजगारी, सुशासन, गुणस्तरीय शिक्षा र समान अवसरको अभाव महसुस गर्न थाले। त्यसपछि यी दुवै देशमा फेरि नयाँ पुस्ताले परिवर्तनको आवश्यकता महसुस गर्दै नयाँ सोच, नयाँ नेतृत्व र उत्तरदायी शासनको मागलाई अगाडि बढाउन पहल गरेका छन्। इतिहासले फेरि एकपटक देखाइरहेको छ कि समाज र राष्ट्रलाई नयाँ दिशा दिने शक्ति अन्ततः युवाहरूकै हातमा हुन्छ।