जीवनको मूल्य र मनको संघर्ष

‘मानिस मर्न चाहँदैन, ऊ पीडाबाट मुक्त हुन चाहन्छ’ यो भनाइ आत्महत्याको मनोवैज्ञानिक यथार्थ बुझ्नका लागि पर्याप्त छ। अधिकांश अवस्थामा आत्महत्या जीवनप्रतिको घृणाको अभिव्यक्ति मात्र नभई यो असह्य मानसिक, सामाजिक वा भावनात्मक पीडाबाट मुक्ति खोज्ने निराश प्रयास हो। त्यसैले आत्महत्यालाई व्यक्तिगत निर्णय, धार्मिक आस्था वा नैतिक कमजोरीको विषयका रूपमा बुझ्नु पर्याप्त हुँदैन। यो व्यक्तिको मन, परिवार, समुदाय, अर्थतन्त्र, शिक्षा, संस्कृति र राज्यका नीतिहरूसँग गहिरोसँग जोडिएको सार्वजनिक स्वास्थ्य र सामाजिक विकासको प्रश्न हो भनेर बुझ्दा राम्रो हुन्छ।

यस्ता सबै अवस्थाले एउटा साझा प्रश्न उठाउँछन्– के हामी आर्थिक विकासको कुरा गरिरहँदा मानिसको मानसिक स्वास्थ्यलाई बिर्सिरहेका त छैनौं?