हुम्लामा निर्मम यातना दिएर मारियो कुकुर, अनुसन्धान गर्दै प्रहरी

एउटा कुकुरलाई निर्मम यातना दिएर मारिएको वीभत्स भिडिओलाई लिएर सामाजिक सञ्जालमा प्रयोगकर्ताहरूले विरोध जनाइरहेका छन् । सामाजिक सञ्जालमा आइतबारदेखि भाइरल भइरहेको उक्त भिडियोले प्रयोगकर्ताहरूलाई आक्रोशित र स्तब्ध बनाएको हो ।

उक्भ भिडियो टिकटकमा ‘bibek.sunar790’ नामक ह्यान्डलबाट आइतबार बिहान १०:४८ बजे पहिलो पोस्ट भएको देखिन्छ । उक्त भिडिओमा एउटा असहाय कुकुरलाई डोरीको सहारामा डाँडाको ठूलो ढुंगबाट तल झुन्ड्याइएको छ । त्यतिमात्र नभएर माथिबाट निर्दयीपूर्वक ढुंगाहरू बर्साइएको छ ।