सुखद् पर्खाइमा आफन्त

पोखरा लेकसाइडका अभिषेक आचार्य पेशाले इन्जिनियिर हुन । उनी रसुवास्थित लाङटाङखोला हाइड्रोपावर प्रोजेक्टमा कार्यरत थिए । बुधबार बिहान आएको बाढीपछि आचार्य सम्पर्कमा छैनन । पोखरामा रहेका आचार्यका परिवारका सदस्य अहिले अत्यासलाग्दो अवस्थामा छोराको पर्खाइमा रहेका छन ।

‘हिजो (बुधबार) बिहान ८ बजे घरमा फोन सम्पर्क भएको रहेछ । अब काममा जाने हो भनेर भन्नु भएको रहेछ । त्यसपछि सम्पर्क भएको छैन,’ आचार्यकी माईजू गायत्री बरालले भनिन, ‘कतैबाट केही खबर आउँछ की भनेर अत्यासलाग्दो अवस्थामा पर्खिबसेका छौं । तर, केही खबर छैन ।’ परिवारका सदस्य छोराको सुखद खबरको आशमा छन‍् ।