सञ्चारमन्त्रीले चलचित्रलाई रु. साढे तीन करोड अनुदान दिने, कार्यविधिको मस्यौदा तयार

काठमाडौँ । साँस्कृतिक तथा राष्ट्रिय महत्वका विषयवस्तुमा आधारित चलचित्र निर्माणलाई प्रोत्साहन गर्न भन्दै सरकारले ‘साँस्कृतिक तथा राष्ट्रिय महत्वको क्षेत्रमा चलचित्र निर्माणको लागि प्रोत्साहन अनुदान कार्यक्रम सम्बन्धी कार्यविधि, २०८३’को मस्यौदा तयार गरेको छ ।

उक्त मस्यौदामा सोमबार सूचना तथा सञ्चारमन्त्रीले सरोकारवालासँग छलफल गरे । मन्त्रालयमा आयोजित छलफलमा चलचित्र क्षेत्रसँग सम्बन्धित विभिन्न संस्था, चलचित्र निर्माता, निर्देशक, कलाकार तथा विज्ञ सहभागी थिए ।