सडक दुर्घटना न्यूनीकरण र नागरिकको रक्षा नै ट्राफिक प्रहरीको मुख्य लक्ष्यः एसएसपी काफ्ले

काठमाडौं । काठमाडौं उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक (एसएसपी) सुरेशप्रसाद काफ्लेले ट्राफिक प्रहरीको प्राथमिक उद्देश्य सडकमा नागरिकको अकाल मृत्यु रोक्नु र दुर्घटना न्यूनीकरण गर्नु रहेको बताएका छन् ।

सोमवार काठमाडौंमा बागमती प्रदेश समितिद्वारा आयोजित सम्मान, पदस्थापन तथा प्रशिक्षणमूलक कार्यक्रममा बोल्दै उनले यस्तो बताएका हुन् । एसएसपी काफ्लेले मुलुकको मौजुदा ट्राफिक अवस्था र दुर्घटनाको तथ्याङ्क प्रस्तुत गर्दै सडक सुरक्षामा सबैको गम्भीरता आवश्यक रहेकोमा जोड दिए । उनकाअनुसार हाल नेपालभर करिब ६७ लाख सवारी साधन दर्ता भएका छन् । जसमध्ये वार्षिक करिब ६३ लाख सवारी सञ्चालनमा रहेका छन् ।